بحبك يا بلدى
بحبـك يا بلـدى وحبك سلامـــة
بيـِعْـلى ويـِعْـلى ودايما بيكبــــر
معلــم فى قلبــى بأجمل علامـة
وكل اما بابعد باموت فيكى أكتر
باموت فيك جداً بحبك حقيقـــى
وحبك معايــا صديقى ورفيقــى
مشاركانى فرحى مشاركانى ضيقى
يـدوم ليـا حبـك مزَّهـــر منـــور
بحبـك بحبـك وأموت فيكى أكتر
بحبك يا عمــرى حقيقـى بحبـك
ونفسى أعودلك وأفضل فى حضنك
تضمينى أجــرى بقلبــى أضمك
واقبــل ترابك واسمــى واكبـَّــر
بحبـك بحبـك وأموت فيكى أكتر
بحبك بحبك يا غالية يا أمـــــى
يا ساكنة فى قلبى وعايشة فى دمى
يا حافظالى أهلى وخالى وعمى
ولما اذكر اسمك قمر ليلى يظهر
بحبـك بحبـك وأموت فيكى أكتر
بحبـك يا بلدى يا أرض الطهــارة
يا شرفى وعرضى ونبع الحضارة
يخليكــى ربى على طــول منــارة
ويفضـل تــراثك يعلـــــم يكبَّـــــــر
بحبـك بحبـك وأمـوت فيكى أكتـــر
بحبـك يا بــلدى وشعبك أصيل
ميعـرفــش لأ ولا المستحيـــل
شرب من جمالك فأصبح جميل
ووقت المعارك بيبقى غضنفـر
بحبك بحبك وأموت فيكى أكتـر
بحبـك يا نسمة يا بسمة وعبيــر
يا راسمة عظمتك فى وطنى الكبير
ولـو يوصفوكى أقول مش كتير
وفى البعد عنك ولا شىء يصبَّر
بحبك بحبك وأموت فيكى أكتـر